Җәмгыять
“Дубравушка” балалар сәламәтләндерү лагерена өченче смена ял итәргә килде
Табигать кочагында биек наратлар астында ял итүне безнең районның туксан биш мәктәп укучысы дәвам итте, алар исәбенә үзләрен поход шартларында тикшереп карарга карар иткән якында урнашкан "Горизонт" чатыр лагере балалары да керә.
- Балалар белән шөгыльләнү профиле аларның яшьләренә һәм һәвәслекләренә карап билгеләнә, дип аңлатты әйдәман, район балалар думасының элекке спикеры, хәзер - Казан югары уку йортларының берсе студенты Владлена Минһаҗева. Моңа бәйле рәвештә без алар белән мастер-класслармы, спорт чаралары үткәрүме яки башка чаралар уздырумы яхшырак булуын хәл итәбез.
Ә укучылар үзләре лагерьда уздырачак көннәреннән ниләр көткән соң?
- Без биредә энем Камил белән һәр җәй саен ял итәбез. Бик ошый. Бу минем соңгы сменам, чөнки быел мин мәктәпне тәмамладым. Әмма лагерь белән хушлашмыйм - киләсе елга инде бирегә әйдаман сыйфатында кайтырмын дип өметләнәм, - дип үз планнары белән уртаклашты Анжела.
Лагерь турында үз тәэссоратлары белән моңа кадәр дә биредә булган тугыз яшьлек Алия уртаклашты.
- Мин монда беренче сменада булдым. Таңны каршылау ошады - кояш шундый матур - зур һәм кызыл. Тагын, яхшы ашаталар һәм күңелле чаралар күп үткәрелә.
Унбер яшьлек Алсу "Дубравушка"да беренче тапкыр. Үзенең бирергә килергә ничек карар итүен түбәндәгечә аңлатты:
- Җәй башында бу лагерьда минем дусларым булган иде. Алар "Дубравушка"да яллары турында күп кызылы нәрсәләр сөйләде. Алар өченче сменага килделәр һәм мин дә аларга иярергә карар иттем.
Заезддан соң шунда ук балаларны теләкләре буенча отрядларга тараттылар һәм бүлмәләргә урнаштырдылар. Аннары кызыклы һәм күңелле лагерь тормышы башланды, юкка гына укучылар елдан-ел гына түгел, сменадан-сменага да бирегә килергә атлыгып тора мени?
Следите за самым важным и интересным в Telegram-каналеТатмедиа
Нет комментариев