“Дубравушка”да сауна һәм душ булачак

Бүгенге көндә "Дубравушка" балаларны сәламәтләндерү лагеренда туклану блогын һәм "Бәйрәкә" спорт комплексын төзүгә проект-смета документациясе әзерләнә. Яшьләр эшләре, спорт һәм туризм бүлеге начальнигы Ф. Нәбиуллин сүзләре буенча, балалар лагерендагы туклану блогында ризык эшкәртү һәм әзерләү өчен аерым цехлар, медпункт, сауна һәм балалар өчен душ бүлмәләре каралган. Бәйрәкә авылындагы яңа спорт комплексы - ул уен төрләре өчен универсаль спорт залы, көрәш өчен зал һәм әһәмияте аз булмаган душ бүлмәләре.