Җинаятьчеләрне эзләү буенча иң яхшы хезмәткәрләр бүләкләнде

Фәнүзә ИБРАҺИМОВА

автор фотосы

Россиянең җинаятьчеләрне эзләү бүлеге әһәмиятле юбилей датасын билгеләп үтте. Нәкъ йөз ел элек, 1918 елның 5 октябрендә, РСФСР Эчке эшләр халык комиссариаты коллегиясе җинаятьчеләрне эзләү Үзәк идарәсенең Милиция баш идарәсе составында төзү турында Карар Чыгара.Нәкъ менә әлеге дата җинаятьчеләрне эзләү хезмәткәрләренең һөнәри бәйрәме буларак билгеләп үтелә башлады.

Хәзерге вакытта җинаятьчеләрне эзләү бүлекләре җинаять эшләренең 70 процентка якынын ачалар. Алар шәхескә каршы авыр һәм аеруча авыр җинаятьләрне ачыклау, кисәтү, кисәтү һәм ачу, оешкан җинаятьчелеккә каршы көрәш һәм шәхескә каршы җинаятьләрне ачу, наркотикларның законсыз әйләнешенә каршы җинаятьләрне ачу функцияләрен гамәлгә ашыра. Бүгенге көндә эчке эшләр министрлыгының Ютазы бүлегендә әлеге бурычны биш хезмәткәр башкара. 

Коллективны юбилей датасы белән Россия Эчке эшләр министрлыгының Ютазы районы буенча бүлек начальнигы Марат Сибагатов котлады. Җинаятьчеләрне эзләү бүлеге хезмәткәрләре тәүлекнең теләсә кайсы вакытында, ял һәм бәйрәмнәрсез эшләп, җинаятьчелеккә каршы көрәш буенча иң катлаулы бурычларның берсен үтиләр дип билгеләп үтте, ул аларга уңышлы эшләре өчен рәхмәт белдерде һәм бүлекнең иң яхшы хезмәткәрләренә «Җинаятьчеләрне эзләүгә 100 ел» дигән күкрәк билгеләре, район башлыгының мактау грамоталары һәм бүлек начальнигының рәхмәт хатлары тапшырды.

Хезмәттәшләре алдында, шулай ук, җинаятьчеләрне эзләү бүлегенең элеккеге начальниклары Закуан Мәҗитов һәм Николай Ерыганов чыгыш ясадылар. Һөнәри бәйрәмнәре белән котлап, алар бүлек хезмәтләренә җинаятьчеләрне эзләү буенча ярдәм итүләре өчен рәхмәт белдерделәр.