Иске Урыссуда – авыл бәйрәме

Мәктәп территориясенә җыелган халыкны үзешчән артистлар сәламләде. Авылның "Сандугач" иҗат төркеме үзенең иң матур җырларын бүләк итте. Авыл мәдәният йорты хезмәткәрләре көче белән оештырылган бәйрәм төрле уеннар, ярышлар белән аралашып барды. Авыл халкы аякка агач бүкәне бәйләп, көянтәгә чиләкле су элеп ярышка чыкты. Бала-чагага да күңел ачу чарасы җитәрлек булды. Бәйрәмдә беркем дә бүләксез калмады.