Район янгычлары хәбәр итә

2017 елның 13 ноябренә булган статистика буенча Ютазы районында 18 янгын очрагы теркәләгән. Ут эчендә бер кеше һәлак булган. Торак йортларда килеп чыккан җиде янгынга сәбәпне мичне кулланганда куркынычсызлык таләпләрен үтәмәү сәбәп булып тора. Дүрт очракта - электр җиһазларын дөрес кулланмау нигез тудырган. Ут белән саксыз эш итү аркасында дүрт тапкыр янгын чыккан. Бер автотранспортка ут капкан. Кеше милегенә аңлы рәвештә ут төртүнең ике очрагы теркәлгән.