Районда "Снегоход-2015" операциясе уза

Гадәттә, мондый төрдәге мотоцикл чарасы ияләре тарафыннан каралган срокта теркәлми, аларга техник тикшерү үткәрелми, әлеге техника белән идарә итүчеләрнең кайвакыт тиешле документлары да юк булып чыга, дип белдерде Ютазы районы буенча Дәүләт техник күзәтчелек органының баш дәүләт инспекторы Назыйм Рәкыйков. ЮХИДИ, Гадәттән тыш хәлләр министрлыгы, аучылык хуҗалыгы хезмәткәрләре белән берлектә уза торган рейдлар вакытында нәкъ менә шушы хокук бозуларга игътибар биреләчәк тә.