Районга асфальт салу машинасы кайтты

 “Төзекләндерү” муниципаль унитар предприятисе үзенең матди-техник базасын ныгыту өстендә ел саен анык чаралар күрә. Хәзерге көндә муниципаль дәрҗәдә генә түгел, республика күләмендә эшләүче программаларга кыю рәвештә алынырга сәләтле булган хезмәт коллективы бүген урау юл төзелеше белән шөгыльләнә. “Һәм әлеге техниканы нәкъ менә шушы эшкә тагын да куәт бирү максатында сатып алдык та – аны якын көннәрдә эштә файдалана башлауны күздә тотабыз”, - дип хәбәр итте предприятие директоры Илшат Камалдинов.

Ильмира ГАЛИЕВА

Автор фотосы