Районның бер хатын-кызына “тарзанка”дан соң хастахангә ятарга туры килгән

Ял көннәрендә район хастаханәсенә сыйраклары һәм беләк сөякләре ачык төрдә сынган хатын-кыз китерелә. Ул халык телендә "тарзанка" дип аталган җайланмада атынып имгәнгән. Медиклар мәгълүматы буенча, зыян күрүчегә оператив дәваланырга һәм озак вакыт дәвамында тернәкләнергә кирәк булачак.

- Мондый авыр нәтиҗәләргә юл куймау максатында, без стандарт булмаган спорт снарядлары белән мавыкмаска киңәш итәбез, - дип шәрехләде вазгыятьне хастаханәнең баш табибы Ренат Фатыйхов. - Һәм мондый зыян күрүчеләрне мөстәкыйль рәвештә алып килергә дә киңәш итмибез. Аларны транспортировкалау өчен махсус җайланмалар таләп ителергә мөмкин, шуңа күрә кичекмәстән ашыгыч ярдәм машинасын чакыру һәм аны көтеп алу мәҗбүри.