Ташкичү авылында тыл ветераны Шәһринур Рәхимҗан кызы Галиеваны 90 яшьлек юбилее белән котладылар

Бәйрәм сәбәпчесенә 90 яшь тулды. Гомер бәйрәме белән тыл ветеранын район социаль яклау бүлеге начальнигы Джанна Волкова, район ветераннар советы әгъзасы Нәкыя Шәрәфиева килгән иде. Алар юбилярга бүләкләр һәм Россия Президентының котлау хатын тапшырды. Бу көнне ул авылдашларының игътибарын һәм җан җылысын аеруча нык тойды. Әйтик, авылның башлангыч ветераннар оешмасы рәисе Гөлсинә Шәрәфетдинова, Ташкичү авыл җирлеге советы һәм җирле мәдәният йорты вәкилләре Шәһринур апага ихлас котлауларын җиткерде.