Татарстанның кайбер районнарында янә яшен һәм көчле җил көтелә
Татарстан синоптиклары фаразына караганда, 25 июньдә республика буенча урыны белән (бигрәк тә көньяк һәм көнчыгыш районнарда) төнлә һәм көндез яшен, төньяк, төньяк һәм көнбатыштан исүче җилнең секундына 15-20 метрга кадәр җитүе көтелә. Төнлә 16-21, көндез 32 градуска кадәр эссе булачак.
25 июнь көнне Казанда аяз, явым-төшемнәр көтелми. Төнлә 16-19, көндез 27-30 градуска кадәр җылыта.
26 июньгә каршы төндә республика буенча урыны белән бераз яңгыр, кайбер районнарда яшен булырга мөмкин. Көнчыгыш һәм төньяк-көнчыгыштан секундына 8 метр, урыны белән 12 метрга, ә яшен вакытында 17-22 метрга кадәр җитүче җил булачак. Термометр баганалары 16 градуска кадәр төшәчәк, дип хәбәр итә ТР Гидрометеорология һәм әйләнә-тирә мохит мониторингы идарәсе.
tatar-inform.ru
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев