Татарстанның кайсы районнарында бала туу саны арткан?
14 районда - Балык Бистәсе, Мамадыш, Баулы, Кайбыч, Сарман, Менделеевск, Минзәлә, Лаеш районнарында туу саны арткан.
Татарстан Хезмәт министрлыгы Татарстанның 14 районында бала туу саны арту турында хәбәр итте.
2025 елның ун ае нәтиҗәләре буенча Татарстанның 26 районында бала туу саны кимүе күзәтелә, шул ук вакытта 14 районда үсеш теркәлгән. Бу хакта бүген ТР хезмәт, мәшгульлек һәм социаль яклау министры Эльмира Зарипова Казан шәһәрендә ведомствоның йомгаклау коллегиясендә хәбәр итте.
- Безнең министрлык өчен "Гаилә" милли проекты төп булып тора, аның төп күрсәткече - тууның гомуми коэффициенты. Тууның кимүе Мөслим, Яңа Чишмә, Әлки, Зәй, Азнакай, Апас, Кукмара районнарында күзәтелә. Шул ук вакытта 14 районда - Балык Бистәсе, Мамадыш, Баулы, Кайбыч, Сарман, Менделеевск, Минзәлә, Лаеш районнарында туу саны артты, - дип сөйләде ул.
Эльмира Зарипова иң кызыклы практикалар арасында йөклелекне күзәтүне, бүләкләр һәм акча сертификатлары тапшыруны атады. Мисал өчен, Буада яшь гаилә клубы эшли, анда яшь һәм булачак әти-әниләр аралашып кына калмыйча, парлар да таныша.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев