Кече Урыссу авылының өлкәннәре һәм кечеләре тыгыз элемтәдә яши

Кече Урыссуы авылы «Ләйсән» балалар бакчасы белән элемтәбез бик тыгыз. Авылда концерт-мәдәни чаралар узганда алар үз өлешләрен кертсәләр,бакчада уздырылган кичәләрдә катнашырга кирәк булган чакта , без дә булдыра алганча ярдәм кулын сузабыз. Сагынып көтеп алган , күз ачып йомганчы узып киткән җәй белән хушлашырга чакыргач ,күчтәнәчләребезне алып,нәни дуслар янына ашыктык.Балалар бакчасының ямьлелеген күрсәгез,шаккатмалы.Бакча хезмәткәрләре бердәмләшеп бар булган кишәрлекләрендә аллы-гөлле чәчәкләр,кыш көне сыйланыр өчен яшелчәләр үстергәннәр, әллә нинди хикмәтле сыннар,уен җайланмалары көйләп куйганнар.Ул матурлыкка сокланып, балаларның күрсәткән һөнәрләрен карый-карый вакытның узганын сизмәгәнбез дә.Мавыктыргыч балачак иленә сәяхәт эчкерсез һәм бик кызыклы булды.Балаларның сау-сәламәт булуларын ,ә тәрбияче апаларына эшләрендә уңышлар теләп саубуллаштык.