Урыссу бистәсендә сукбай этләрне аулау буенча эш активлаша

Бу халыкның район җитәкчелеге игътибарын әлеге проблемага еш юнәлтүе аркасында килеп туган эш. Аерым алганда, Урыссу бистәсе халкы сукбай этләр куркыныч тудыра, дип билгели. Шуңа күрә эт хуҗаларына җәмгыятьтә яшәү кагыйдәләрен үтәргә кирәк булуы турында искәртеп мөрәҗәгать итәбез. Этләрне каеш муенчаклы бау белән йөртү, "кулыгызга ияләштергән затларыгызны" күзәтүчесез чыгарып җибәрмәү, чыгарсагыз, борындыкларда гына чыгару мәҗбүри. Этләрнең күмәк тупланган урыннары турында хәбәр итү өчен төзекләндерү һәм яшелләндерү предприятиесенә 2-60-85 телефоны буенча шылтыратырга кирәк.