Урыссуда Төзелеш тыкырыгы буенча йорт нигезен тергезү башланды

Төзелеш тыкырыгы буенча 45 фатирлы йорт генподрядчысы булып Әлмәт фирмасы чыгыш ясады. Төзелеш гражданнарны аварияле торак фондыннан күчерү республика программасы кысаларында алып барыла. Өч подъездлы йорт биш катлы булачак. Аны 2016 елның июнендә файдалануга тапшыру күздә тотыла. Бүгенге көндә районның төп төзелеш мәйданын шулай ук Фәнис Кәримов урамы буенча Бөгелмә төзелеш фирмасы тергезгән ике өч катлы йорт тәшкил итә. Әйтик, булачак 10 санлы йортта, ә бу ике подъездлы 36 фатирлы йорт булачак, инде икенче катны төзүгә керешкәннәр. Шул ук урам буенча төзелүче тагын бер объект бераз кечерәк - 24 фатирлы торак йорт. Биредә шулай ук стеналар салу бара. Фәнис Кәримов урамы буенча йортларны тапшыру киләсе елның февралендә күздә тотыла.

Бөгелмә фирмасы Кәрәкәшле авылының Зәкиев урамы, 48 адресы буенча да актив төзелеш эшләре алып бара. Күп балалы гаиләләрне һәм ятим балаларны торак белән тәэмин итү республика программасы кысаларында биредә бер катлы шәхси йорт төзелә. Бүгенге көндә биредә сарай һәм мунча төзелгән, шамбо бар, су үткәрелгән, түбә ябу эшләре тәмамлануга якынлаша. Йортны агымдагы елның ноябрендә файдалануга тапшыру күздә тотыла.

Киләсе елда да безне төзелешнең җитди масштаблары көтә. Әйтик, 2016 елда Урыссу бистәсенең Фәнис Кәримов урамы, 4 адресы буенча Бөек Ватан сугышы ветераннары өчен 30 фатирлы йорт (3кат, 2 подъезд) төзү планлаштырыла. Моннан тыш, Солнечный микрорайонында 375 урынлык мәктәп, Иске Каразиректә модульле ветеринария пунктын, Каклы-Күлдә - модульле фельдшер-акушерлык пунктын һәм 50 урынлык мәдәният йортын төзү күздә тотыла. Район җитәкчелеге планнарында - Подгорныйда, Урыссудагы 2 һәм 4 санлы мәктәпләрдә өч спорт мәйданчыгын, шулай ук Ютазы мәктәбе һәм "Дубравушка" балалар сәламәтләндерү лагере территориясендә спорт залларын төзү.

Республиканың җирле әһәмияттәге юлларны ремонтлау программасы кысаларында Восточный урамы буенча (тимер юл аркылы чыгу урыныннан Иске Каразирек ягындагы юлга кадәр), Үзәк тыкырык (тимер юл аркылы чыгу урыныннан Урыссу урамына кадәр), Пушкин урамы һәм Клуб тыкырыгы буенча юлларның асфальтын яңарту планлаштырыла. Моннан тыш, бүген тиешле хезмәт тарафыннан Урыссу бистәсенең үзәк урамында юл нигезен тикшерү буенча эшләр алып барыла. Урыссу урамы буенча юлны киләсе елга тиешле дәрәҗәгә китерү күздә тотыла. Нигез яраклы дип табылса, юлны асфальтка асфальт җәеп ремонтлау көтә. Ягъни, Урыссу урамындагы 51а санлы йорттан Урыссу урамындагы 22а санлы йортка кадәр юл тигезләнәчәк, бордюрлар алыштырылачак.

Йорт яны территорияләрен ремонтлау да дәвам итәчәк. 2016 елда беркайчан да асфальт түшәлмәгән ишегалларын ремонтлауны тәмамлау планлаштырыла. Асфальт япмасы начар булган ишегалларын ремонтлау аннан да ераграк елларга кала.

Капиталь ремонт программасы кысаларында Иске Урыссу авылында мәдәният йортын, Урыссудагы 4 санлы балалар бакчасын, Әбсәләм мәктәбен һәм 14 күп фатирлы йортны ремонтлау планлаштырыла. Программага Урыссу бистәсендә 12 йорт, Әбсәләм авылында бер йорт һәм Кече Урыссу авылында бер йорт эләккән. Аерым алганда бу - Кече Урыссу авылы Яңа урамындагы 1 санлы йорт, Әбсәләм авылында - Комсомол урамы буенча 63а санлы йорт, Урыссу бистәсендә - Тукай урамы буенча 2а, 21,25а, 25б, Урыссу урамы буенча 3, 24, 26, 66 санлы йортлар, Чкалов урамы буенча 33, 35, 37 санлы йортлар, Яшьләр тыкырыгы буенча 6 санлы йорт. Инфраструктура үсеше бүлегендә хәбәр итүләренчә, күп фатирлы йортларда нигездә түбә яңартылачак, Яшьләр тыкырыгы буенча 6 санлы йорт чыгарма булып тора: биредә җылылык белән тәэмин итү системаларын, канализацияне, электр, кайнар һәм салкын су белән тәэмин итү системаларын ремонтлау күздә тотыла.