Урыссулы Мөршидә апа Талиповага – 90 яшь

Аны хөрмәт итеп җыелган газиз балалары, элеккеге хезмәттәшләре, башка кунакларның җылы даирәсендә юбиляр үзе узган катлаулы да, мактаулы да тормыш юлын искә алды. Биш бала анасы Мөршидә Талип кызы, кайсы гына тармакта эшләмәсен, нинди хезмәт коллективына килеп кушылмасын, үзен эш сөючән, гадел һәм төгәл шәхес итеп таныта. Балаларын да үз үрнәгендә тәрбияли. Сугыш чоры баласын туган көне белән район башкарма комитеты җитәкчесе урынбасары Джанна Волкова, халыкны социаль яклау бүлеге начальнигы Светлана Кәримова, ветераннар советы рәисе Зоя Глушкова, элеккеге хезмәттәшләре, балалары тәбрик итте. Алар район җитәкчелеге исеменнән бүләк, Россия Президентының котлау телеграммасын тапшырды.