Ютазы авылы халкы Бөек Җиңү көнен бәйрәм итте

Урта мәктәп укучыларыннан торган Үлемсез полк йөреше белән башланган митингта Бөек Ватан сугышы ветераннарын, тыл хезмәтчәннәрен авылдашларын Бөек Җиңү бәйрәме белән Ютазы авыл җирлеге башлыгы Гөлнара Сафиуллина, район башлыгы Рөстәм Нуриев, фермер Альберт Вафауллин, башлангыч ветеранар оешмасы рәисе Фәния Әхмәтшина котлады. Яу кырында ятып калган якташлар истәлегенә бер минутлык тынлык игълан ителде, зәңгәр күккә төсле шарлар күтәрелде. Яшь буын вәкилләре - мәктәп укучылары тирән эчтәлекле концерт программасы белән чыгыш ясады. Балалар тәкъдим иткән һәм җыр, һәр бию сугыш темасы белән үрелгән иде. Аеруча Дайана Ямалтдинова, Аяз Хөснетдинов чыгышлары, белмим, кемнең генә күңелен тетрәндерми калды икән?!