Ютазы авылы мәдәният йортына капиталь ремонт керәчәк

Бу хакта Ютазы мәйданчыгында узган праймеризда район башлыгы Рөстәм Нуриев хәбәр итте. Авылның мәдәният учагын ремонтлау чыгымнарын Татарстан нефтьчеләре үз өсләренә ала. Бинаның түбәсе ремонтланачак, тәрәзәләр, ишекләр алмаштырылачак. Мәдәният йорты белән бер түбә астында булган спортзалда чишенү һәм санузель бүлмәләре ясау күздә тотыла. Авылда башка төрле төзекләндерү эшләре дә күреләчәк: тротуар салыначак, юллар ремонтланачак, чаган агачларын кисү буенча өмәләр узачак.