Ютазы авылыннан Гүзәл һәм Таһир Гыйздетдиновлар йорты - иң матурларның берсе

Йорт яны территориясендә утыртылган хуш исле юкәләр янына җиткәндә кояш үзе эссесен киметкән кебек тоелды. Бөркү көндә салкынча күләгә биргән агач астында ял итүдән дә рәхәтрәге бармы? Ә инде ишек алды үзе аллы-гөлле чәчәкләр күркәмлеге белән күзне камаштырды - петуньяларның кызыллары да, сарылары да, хәтта каралары да бар иде, розалар, яран гөлләре һәм башка чәчәкләр - оҗмах бакчасы диярсең. Чәчәк үсентеләрен йорт хуҗабикәсе үзе үстерә. Бөтен әлеге фауна гаилә башлыгы төзегән йортның һәм йорт корылмаларының архитектур "йөзенә" алыштыргысыз өстәмә булып тора.