Ютазы районы мәдәният хезмәткәрләре уку уздылар

Район эчке эшләр бүлеге хезмәткәре полиция подполковнигы Әнвәр Сәлимгәрәев һәм дәүләт янгын күзәтчелеге бүлеге начальнигы урындасары Марат Бәдриев бүген мәдәният хезмәткәрләрен террорчылык актларына карата уяу һәм игътибарлы булырга, янгынга каршы куркынычсызлык чараларын үтәргә чакырды. Алар шикле кешеләргә, ят әйберләгә тап булган очракта, янгын куркынычы барлыкка килмәсен өчен нинди чаралар күрү мөһимлеген тагын бер кат аңлаттылар. Белгечләр мәдәният хезмәткәрләрен борчыган сорауларга җавап тоттылар.