Ютазы районында еллык отчет сессиясе узды

Агымдагы атнада үз ишекләрен ачкан Урыссу гимназиясендә узган район советы сессиясе эшендә республиканың Премьер-министры Алексей Песошин һәм күп санлы министрлар катнашты. Төп доклад белән чыккан район башлыгы Рөстәм Нуриев җитештерү өлкәсенең бөтен тармагы эшчәнлегенә анализ ясады, уңышларны һәм җитешсезлекләрне ассызыклады. Премьер-министр Алексей Песошин, республика тормышына кыскача тукталып узып, Ютазы районы эшчәнлегенең кайбер аспектларына игътибарны юнәлтте, асылда, ул район җитәкчелеген сәламәтлек саклау һәм салым органнары эшчәнлеген тагын да яхшырту юнәлешендә чаралар күрергә чакырды.

Ахырда район уңганнары төрле дәрәҗәдәге бүләкләр белән билгеләнде. Бу хакта тулырак язма белән район гәҗитенең алдагы санында танышырга мөмкин булачак.