Ютазылылар тыныч йөреп кенә тиз барып җитәсен еш оныталар

Лада Гранта автомобиле белән идарә иткән 39 яшьлек ханым, кар яву сәбәпле күз күреме начар булуга карамастан, тизлек режимын сакламый һәм юлның сул ягына төшеп китә. Авария нәтиҗәсендә машина йөртүче һәм аның балигълык яшенә җитмәгән улы зыян ала, икесе дә вакыйга урыныннан хастаханәгә озатыла. ЮХИДИның Ютазы бүлеге начальнигы Эдуард Фәйзрахманов начар һава торышы шартларында юлларда, аеруча караңгы вакытта хәрәкәт иткәндә, бермә-бер уяулыкны арттырып һәм куркынычсызлык шартларын үтәп кенә бәхетсезлекне булдырмый калырга мөмкинлеген тагын бер кат искәртә.