Ютазылылар, йөртү таныклыгы алу буенча яңа кагыйдәләр гамәлгә керә

Яңа 2016 елның 1 гыйнварыннан машина йөртү таныклыгы алырга теләүчеләр өчен имтихан бирү тәртибе үзгәрәчәк.

Моңа кадәр теория өлешендәге 20 сорауның икесенә дөрес җавап бирмәгән очракта да, имтиханны уңышлы тапшырдың дип исәпләнән иде. Яңа кагыйдәләр буенча, дөрес булмаган һәр җавап өчен өстәмә биш бирем чишәргә туры киләчәк. Ә махсус мәйдандагы имтиханга, "змейка", "эстакада" һәм "гаражга керү" кебек биремнәрдән тыш, "параллель паркинг" һәм "пассажирны машинадан имин төшерү өчен туктау" кебек биремнәр дә өстәләчәк.