Исерекләр кечкенә ютазылыларны куркыталар

Беренче очракта Урыссу бистәсеннән кызмача аталарның берсе мәктәпкәчә тәрбия учреждениесенә баласын алырга килгән. Әлеге бакча җитәкчелеге, аңа үз тәрбияләнүчесен ышанып тапшырырга теләмичә, полиция чакырткан. Ваемсыз ата административ җавапка тартылган. Икенче очракта полициягә Иске Каразиректә яшәүчеләрнең берсе мөрәҗәгать иткән. Аның сүзләренә караганда, шылтыратучының эчеп алган күршесе йорт янында җәнҗал чыгарган, кулына пычак тотып йөргән, барысына да янаган һәм балаларны куркыткан.