Менделеевскийда балалар үлеменә китергән коеның хуҗасы табылган

Менделеевскийда "Таткоммунэнерго" акционерлар җәмгыяте балансында торган ачык коега егылып төшкән ике бала үлү очрагы буенча җинаять эше кузгатылды. Бу хакта Татарстан Республикасы Прокуратурасының матбугат хезмәте хәбәр итә.

Прокуратура шәһәрне су белән тәэмин итү системасының бер өлеше булган коеның капкачсыз килеш файдаланылганын ачыклады. Күзәтчелек тармагы фикеренчә, капкач булмау фаҗигагә китергән һәм оешманың җаваплы хезмәткәрләре тарафыннан тиешенчә хезмәт күрсәтелмәү турында сөйли.

Җинаять эше "Куркынычсызлык таләпләренә җавап бирми торган хезмәтләр күрсәтү, ике һәм аннан да күбрәк кешенең үлеменә китерү" маддәсе буенча кузгатылган.

Фаҗигале хәл  4 гыйнварда булды. Ике баланың гәүдәсе  ташландык тау янында ачык коеда табылган. Алдан фаразлар буенча, балалар таудан шуып төшеп, коега егылган.

https://dzen.ru/a/aVta0BD7VhuwNeoh?utm_source=yxnews&utm_medium=desktop