Урыссуда билгесез бәндәләр автомобиләрдән бензин агызып алганнар

Транспортларын йорт капкасы янында төнгелеккә калдырган автомобильчеләр үзләренең автомобильләре датчигында шаккаткыч картина күрәләр: бензин күләмен күрсәтүче уклар нульне күрсәтә. Башка сүзләр белән әйткәндә, ул төндә җинаять кылынган - билгесезләр бензин агызып алганнар. Урыссу автомобиль хуҗаларының ачуына чик-чама булмый.

Билгеле булуынча, заманча автомобильләрнең багы һәм агыза торган "бугазы" ягулыкны агызып алып булмаслык итеп ясалган. "Классика"дан - рәхим итегез! Шулай итеп, төнге ишегаллары буйлап "йоклаган "Җигули"ларны эзләп канистралы "төн караклары" йөри. Әлеге канистралы "төнге вампирлар" белән ничек көрәшергә соң? Тәҗрибәле шоферлар сүзләре буенча, гади һәм тәэсирле ысул - аларны сигнализация белән куркыту. Моның өчен автомобильнең ишек ябу датчигын бензобакка тоташтыру мөһим.