Урыссулы, соң булуга карамастан, фатирның стенасын җимерә башлаган

Урыссу полицейскийлары өчен күп фатирлы йортларда тынычлык урнаштыру гадәти эшкә әверелде, чөнки бары тик юка дивар белән бүленгән күршеләр арасындагы низаглар ешая бара.

Күршеләренең "начар" булуы бер генә урыссулының тормышын бозмады. Узган атнада гына Урыссу урамы буенча күп фатирлы йортта яшәүчеләр мөнәсәбәтләр ачыкласа, хәзер аңлашылмаучылык Горький урамында килеп чыккан. Бу урам йортларының берсендә яшәүче ир кеше төн уртасында полицейскийлар чакырырга мәҗбүр булган, чөнки күршесе кеше йоклар вакытта стена җимерергә һәм батарея алмаштырырга керешкән.