“АгроМир” җәмгыятеннән Верера Миңнеханова – республика бәйгесендә

Венера Миңнеханова - ел әйләнесенә үз группасындагы сыерлардан 7 тоннадан артык сөт савып ала. Ике көн дәвам иткән республика бәйгесендә дә ул сынатмады, дип хәбәр итте районның баш зоотехнигы Алмаз Даутов. Теория һәм практикадан торган бәйге шартларын уңышлы үтәп чыккан безнең район савымчысын республиканың нәселле маллар белән шөгыльләнүче предприятиесе начальнигы Ришат Зарипов кыска дулкынлы мич белән бүләкләде.

"АгроМир" җәмгыяте үзе дә республиканың алдынгы савымчылары җыелган чарада макталып телгә алынган. Авыл хуҗалыгы һәм азык-төлек министрының терлекчелек тармагы буенча урынбасары Нәҗип Хаҗипов "АгроМир" җәмгыятенең республикада нәселгә тана үстереп сатучы берәнбер хуҗалык булуын зур канәгатьлек хисе белән билгеләп узган.