Азык хәзерләүче техника кемдә әзер, кемдә юк

Бу атнада агропредприятиеләр терелек азыгы хәзерләү кампаниясенә хәзерлеккә тикшерелде.

Республиканың авыл хуҗалыгы һәм азык-төлек министрлыгы белгече Руфит Гарифҗанов, ТР буенча "Россельхозцетр" ФДУ вәкиле Вагыйзь Минһаҗев район авыл хуҗалыгы идарәсе белгечләре озатуында "Уңыш", "Кәрәкәшле", "Нәбиуллин", "АгроМир", "Таң", Тукай исемендәге хуҗалыкларның яшел уракка хәзерлегенә бәя бирделәр. "АгроМир", Тукай исемендәге коллективлар бүгеннән печәнгә төшәргә әзер булса, комиссия әгъзалары "Кәрәкәшле" белән "Таң"га азык уру комбайннарын сафка кую соравына җитди якын килергә киңәш итте.