Районның кыр алдынгылары

"Таң" җаваплылыгы чикле җәмгыяте механизаторы Рөстәм Абдуллин "Полесье" комбайнында икенче елын эшли. Сезон башыннан алып ул 373,6 тонна ашлык суктырган. Аның хезмәттәше Таһир Садыйков урып-җыю эшләрен инде шактый искерә төшкән "ДОН-1500" комбайнында алып барса да, ындыр табагына 344,4 тонна бөртек озаткан. Тукай исемендәге җәмгыять игенчесе Айрат Зәйдуллин "Нью-Холланд" комбайны белән 340,4 тонна уңыш суктырган. Шундый ук маркалы комбайнда уракны дүртенче сезон алып баручы "АгроМир" җәмгыяте механизаторы Маузир Латыйпов 305 тонна бөртек җыйнап алган.