Урал бистәсендә урнашкан “Нәбиуллин” хуҗалыгында тракторлар техник тикшерү узды

Ютазы районы буенча ТР Дәүләт техник күзәтчелек бүлеге начальнигы Назыйм Рәкыйпов күрсәтмә техник карауга барлык диярлек агроколлективлардан җыелган инженер-техник хезмәт вәкилләре игътибарын техник тикшерү өлкәсе яңалыклары белән таныштырды һәм гамәли өлешкә күчте. Белгечләр "Нәбиуллин" хуҗалыгы механизаторы Фаил Вәлиев язгы кыр эшләренә әзерләгән МТЗ -1221 тракторының техник торышын бергәләп тикшерде. 2006 елдан башлап файдаланыла торган тракторда һәм аның арбасында бер генә гаеп тә табылмады.