Ютазы кырларында – Илдус Габдрахманов

Район авыл хуҗалыгы һәм азык-төлек идарәсе начальнигы Ришат Зарипов озатуында ул "Уңыш" җәмгыятенең уҗым арышлары, көзге культураларның дистәдән артык сортыннан үстерелгән тәҗрибә участоклары торышы белән танышты. Фермер Альберт Вафауллинның Акъюл авылы буенда урнашкан арпа басуында шытымнар тишелешеннән канәгать калган Габдрахманов, Тукай исемендәге җәмгыятьтә чәчү кампаниясе барышы белән кызыксынды. Министр урынбасарының эш көне "АгроМир" җәмгыятендә дәвам итте. Ул, язгы кыр эшләре торышы белән танышып, бәйрәкәлеләр чәчкән бөртеклеләр һәм терлек азыгы культуралары кырларында булды.