Ютазы районын төзекләндерү дәвам итә

Урыссу бистәсенең Солнечный микрорайонының Фәнис Кәримов урамында тротуар салына.

"Вак таш-ком катнашмасы" программасы буенча Бәйрәкәтамак авылында Тукай урамының бер өлешен норматив хәлгә китерү башланды.

Иске Каразирек авылы автоюлында да бүген ремонт эшләре бара - асфальт юлның "төерләнеп" торган өлешәләре төзекләндерелә.

Урыссу бистәсенең Островский урамына да, ниһаять, "Вак таш-ком катнашмасы" программасы килеп җитте - 600 метрдан озынрак юлны норматив хәлгә китерү буенча чаралар күрелә башлады.

Шунысы игътибарга лаек, югарыда санап узылган бөтен эшләр дә Төзекләндерү һәм яшелләндерү буенча Урыссу предприятиесе көче белән гамәлгә куела.