Кече Урыссу авылында урнашкан Тукай исемендәге җәмгыятьтә мал торагы үзгәртеп корыла

Аның стеналары өр-яңадан өеп менгерелгән, ишек уемнары киңәйтелгән. Яңа евротәрәзәләр һәм ишекләр куелачак, улаклар ясалачак торакта ут һәм су линияләрен дә ясау таләп ителә. Эшкә алынган төзүчеләр бригадасы җитәкчесе сүзләренә караганда, бинаны ремонтлауда бернинди дә проблема юк - бөтен кирәкле төзелеш материалы кул астында. Башкача мөмкин дә түгел - малларны араннарда асрый башлау вакыты хәзер килә дә җитә.