Терлек азыгын арттыру өстендә эшләргә кирәк

Район башлыгы Аяз Шәфыйгуллин, районның авыл хуҗалыгы һәм азык-төлек идарәсе башлыгы Андрей Борисов, авыл хуҗалыгы ветераны Сәгадәтулла Төхбәтуллин катнашындагы утырыш «Таң» җәмгыятендә узды. Район авыл хуҗалыгы һәм азык-төлек идарәсе башлыгы бүгенге көндә терлекчелектәге һәм үсемлекчелектәге эшләр торышы белән таныштырды. Мөгезле эре терлекнең баш саны, сөт һәм ит җитештерү, эре мөгезле терлекләрнең уртача тәүлеклек артымы, бозауларның үрчеме, малларның үсеше буенча күрсәткечләр хуҗалыкларның кимчелекләрен һәм уңышлы якларын ачык күрсәтте.

Район башлыгы җитәкчеләрнең игътибарын терлекләрнең үлеменә юл куймау, мал азыгын үстерү мәйданнарын арттыру, үзебезне  ел ярымга җитәрлек азык белән тәэмин итү кирәклегенә юнәлтте. Мондый "куркынычсызлык чаралары” бүгенге көндә “АгроМир"да гына бар. Узган елгы корылыктан, гомумән, кискен һава торышыннан сабак  алу мөһим, дип билгеләп үтелде утырышта.

Үсемлекчелек тармагына килгәндә, кырларны карап чыгу күпчелек чәчүлекләрнең яхшы торышта булуын күрсәтте.

- Чәчүлекләр яхшы торышта, - диде Сәгадәтулла Төхбәтуллин, – шытымнар көчле. Чәчү нормасы үтәлгән, чәчүлекләрдә авырулар һәм корткычлар юк. Әлегә. Әмма игенчеләр ончыл чык авыруының уңышның 50 процентына кадәр юкка чыгарырга сәләтле булган сабактагы яки яфрактагы гөмбә авыруыннан артык куркыныч түгеллеген яхшы белә. Без моңа юл куймаска тиеш, шуңа күрә гербицидлар, гербицидлар һәм тагын бер кат гербицидлар!

Ахырда район башлыгы аграрийларның эшенә йомгак ясады. Ул, терлек азыгы мәйданнарын арттырмыйча, җитештерүне арттыру мөмкин түгеллеген ассызыклады. Җитәкчеләргә фермаларда ешрак булу зарур. Тәрбияләү һәм ашату технологиясен үтәгәндә, терлекчелек матди яктан отышлы тармак. Ягъни игенчелектә дә, терлекчелектә дә ныклы куллы хуҗа булып калырга, һава торышына да, «киләчәккә карап эш йөртүче инвесторларга» да өстен чыгарга мөмкинлек бирмәскә кирәк.