Ютазы районы аграрчылары көндәлек эшләр турында сөйләште

Районда авыл хуҗалыгы коллективларының шактые чәчү кампаниясен тәмамлады. Бүген соңгы культуралар урнашачак мәйданнарда эш бара. Алар белән беррәттән, чәчүлекләрне тәрбияләү - чүп үләннәре һәм корткычлар һөҗүменнән саклау һәм яклау чаралары күрү - кабыргасы белән килеп басты.

Район башлыгы Рөстәм Нуриев җитәкчеләрнең игьтибарын терлекчелек тармагына, асылда, сөт җитештерү соравына да җәлеп итте.

- Терлек азыгы хәзерли торган көннәр җитте. Бу терлекчелек тармагының еллык язмышын хәл итүче вакыт. Бүген әлеге тармак белгечләрен беренче чиратта кырдан базга кайта торган азык сыйфаты борчырга тиеш, - дип басым ясады ул.