Ютазы районының биш авыл хуҗалыгы белгече грантка ия булган

Республиканың Авыл хуҗалыгы һәм азык-төлек министрлыгы тарафыннан соңгы елларда игълан ителә торган "Татарстан Республикасы агросәнәгать комплексының иң яхшы белгечләренә грант" иң яхшы эшчеләрне ачыклауны, алар башкара торган хезмәтнең дәрәҗәсен арттыруны максат итә. Быел иң яхшы һөнәрман булып, грантка биш белгеч лаек булды. Алар - "АгроМир" җәмгыяте баш зоотехнигы Айдар Ханбеков, баш ветеринария табибы Илнур Зарипов, баш инженер Зәйтүн Галимов, "Таң" җәмгыяте баш хисапчысы Мөнәвәрә Якупова, район авыл хуҗалыгы һәм азык-төлек идарәсе консультанты Зиләрә Сәетова.