Марат Әхмәтов: «Матбугат — мәдәниятне һәм тарихны саклау коралы»
Татарстан Республикасы Дәүләт Советы Рәисе вазифаларын башкаручы Марат Әхмәтов Татарстан Республикасы Матбугат көне уңаеннан массакүләм мәгълүмат чаралары хезмәткәрләрен котлады.
«Хөрмәтле журналистлар, нәширләр, полиграфистлар, ветераннар һәм яшь каләм ияләре! Сезне Татарстан Республикасы Матбугат көне белән ихлас күңелдән котлыйм!
Бу бәйрәм — сүз белән эшләүнең изге мәгънәсен аңлаучы, тарихи хәтерне саклаучы һәм заманча Татарстанның казанышлары белән омтылышларын чагылдыручыларны берләштерүче көн.
Матбугат — ул барлыктан да алда мәдәниятне, туган телләрне, безнең күпмилләтле халкыбызның рухи-әхлакый кыйммәтләрен саклау коралы. Цифрлы технологияләрнең тиз арада үсеше һәм яңа сынаулар дәверендә республиканың массакүләм мәгълүмат чаралары дәүләт сәясәтен тормышка ашыруда, хакимият һәм җәмгыять арасында конструктив аралашуны тәэмин итүдә ныклы таяныч булып калалар, саф журналистика традицияләрен дәвам иттерәләр.
Хезмәт сөючәнлек, намуслылык, объектив булу һәм граждан җаваплылыгы кебек иң матур традицияләрне безнең ветераннарыбыз һәм тармак династияләренең вәкилләре салган.
Бәйрәм көнендә республика медиаҗәмәгатьчелегенә тугры һәм рәхмәтле укучылар, илһам, тирән эчтәлекле мәкаләләр, туган җиребезнең кадерен арттыру өчен яңадан-яңа иҗади уңышлар, сәламәтлек һәм иминлек телим! Бәйрәм белән!» — диелә котлауда.
Фото: © «Татар-информ», Салават Камалетдинов
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев