Репрессияләр корбаннары истәлегенә

Бүгенге көндә районда илебезнең иң зур трагедиясенә әверелгән вакыйгаларның корбаннары булган 73 кеше яши. Әлеге истәлекле көндә аларның бөтенесе дә район башлыгының мәрхәмәт, тынычлык теләгән мөрәҗәгатьләрен кабул итеп алдылар. Шулай ук аларны 2013 елның беренче ярты еллыгына "Моя газета" атналыгына яздырачаклар. Яшь ютазылыларның әлеге истәлекле датаны белеп, Бөек Ватан сугышының исән һәм фани дөнья белән инде саубуллашкан ветераннарын хөрмәтләп, истә тоткан кебек, сәяси репрессияләр корбаннарын да онытмаулары мөһим.