Зур датага - зур эшләр

Зур датага авыл төзекләндерелгән рәвештә якынаерга тиеш. Авыл җирлеге җитәкчелеге мәгълүматлары буенча, бу көннәрдә авыл мәдәният йорты территориясендә хоккей мәйданчыгын планлаштыру бара. Авылның үзәк Совет урамы буенча аз керемле йорт хуҗаларының һәм ташландык участокларның иске коймаларын алмаштыру башлана. Киров һәм Куйбышев урамнары буенча йортларга су үткәргечләр сузыла.

Матди пландагы чаралар белән параллель рәвештә Ютазы авылында мәдәни программа да эшләнгән. Төп юбилей тантаналарына кадәр калган ял көннәрендә авыл халкы дүрт урам бәйрәме уздырачак. Ә авыл ветераннары ай ахырында район ветераннар советы үткәрәчәк үзешчән сәнгатьтә катнашучылар смотр-конкурсына җентекләп әзерләнә.