Бүген Урыссу балалар сәнгать мәктәбенең 50-еллык юбилее уңаеннан тантаналы чара узды

Тантана сәбәпчеләрен һәм тамашачыларны - район советы депутатларын, предприятие һәм учреждение җитәкчеләрен, җәмәгатьчеләрне район башлыгы Рөстәм Нуриев сәламләде. Ул Урыссу сәнгать мәктәбенә һәм аның күркәм уңышларга ирешкән укытучыларына лаеклы бүләкләр тапшырды. Ә инде мәктәпнең күп кырлы талантка ия нәни хуҗалары үзләренең остазлары белән тамашачыларны чын сәнгать дөньясына сәяхәт кылдырды.