Район халкы – Бөтенроссия өмәсендә

Уңга карасаң да - өмә, сулга карасаң да - өмә. Иң беренчеләрдән булып үз участокларына - район үзәгенең иң яшел урамнарының берсе - Ленин урамында тәртип урнаштырырга "Электросоединитель" заводы хезмәткәрләре бердәм булып чыкты. Пушкин урамында Төзекләндерү һәм яшелләндерү предприятиесе коллективы эшли, Пионер урамын исә Урыссу ГРЭСы эшчеләре кырып, себерә. Бу вакытта район хакимияте хезмәтләре вәкилләре дамба буен каты көнкүреш калдыкларыннан арындырырга чыгып китсә, авыл җирлекләрендәге бюджет оешмалары хезмәткәрләре юл буйларында тагын бер кат тәртип урнаштырырга кереште.