Районның “Дубравушка” лагере үзенең кечкенә тәрбияләнүчеләрен кабул итәргә әзер

Белгечләр республика бюджеты хисабына ремонт ясалган беренче корпус бүлмәләре белән танышты. Алар "Электросоединитель" заводы көче белән икенче корпуста ясалган ремонт эшләреннән дә канәгать калды. Тиешле хезмәт вәкиләре балалар учреждениесенең куркынычсызлык таләпләренә җавап бирүен тикшерде.

Ахырда Светлана Самонина "Дубравушка" лагерен яңа сезонга хәзерләүдә саллы өлеш керткән район сәнәгать предприятиеләрен мактау кәгазьләре белән билгеләп узды.