Ютазы районы делегациясе Изге Болгар җиреннән кайтты

Уй-кичерешләргә, эчке дулкынлануга бай вакыйга узган урынга җыелган 40 меңгә якын мөселман арасында безнең районнан барган җәмәгатьчеләрне дә, активистларны да, гади халыкны да очратырга мөмкин булды. Онытылмас якты тәэсирләр, күңел байлыгы, әби-бабаларыбыз җире өчен горурлык хисе тудырган тарихи чарада катнашудан без бик канәгать калдык, дип шатлыгы белән уртаклашты Бәйрәкә авылыннан Зәйтүнә Ямаева.