Азнакайның “әбиләр чуагы”

Азнакайлыларны һәм кунакларны бәйрәм белән котларга Азнакай районы башлыгы вазифаларын башкаручы Марсель Шәйдуллин килгән. Ул ветераннарга шәһәрнең 80 еллыгы хөрмәтенә бүләкләр, шифаханәгә юлламаларга сертификат тапшырган, шулай ук ул гаилә парларын бергә тормыш итүләренең 50 еллыгы белән котлаган. Марсель Зөфәр улы ютазылыларга кайнар сәлам тапшыруны үтенгән, аларга рух күтәренкелеге һәм сәламәтлек теләгән. Бәйрәм программасындагы кызыклы уеннар, татар ветераннар ансамбле чыгышы, шулай ук гармунда һәм курайда көйләр башкару күңелле тәэсир калдырган. Азнакайлыларны районның шагыйрәсе В. Новикованың "Бабье лето" шигыре сокландырган. Кыскасы, ветераннар бик шәп ял иткәннәр.