Ветераннар чыгыш ясады

Әлеге конкурс республикада игълан ителгән "Балкыш" ("Сияние") фестиваль кысаларында узды. Конкурста катнашучылар - авыл җирлекләре һәм бистәдә яшәүче өлкән яшьтәге һәвәскәрләр. Җыр, бию, нәфис сүз, сценкалар - барысы да булды. Чара җиңүчеләргә истәлекле бүләкләр тапшыру белән тәмамланды. Компетентлы жюрига җыр-моңга оста үзешчәннәр арасыннан иң-иңнәрне сайлау читенгәрәк туры килсә дә, урыннар түбәндәгечә билгеләнде: беренче урынны хор номинациясе буенча "Истоки", вокаль ансамбльләр арасында "Родники" ("Электросоединитель"), икенче урын - Ютазы авылы вокаль дуэтына, өченче урын "Ветеран" клубына бирелде. "Шигърият" номинациясе буенча беренче урынга В. Новикова чыкты (Урыссу ш. т. б.), икенче - Ф. Гариповага (Байлар авылы) бирелде, өченчедә - Р. Габбасова (Урыссу ш. т. б.) Хореография номинациясендә беренче - И. Шәймәрданова (Урыссу ш. т. б.), икенче - Г. Вәлиева (Урыссу ш. т. б.), өченче - Н. Кәримова (Подгорный). Соло-вокал номинациясендә З. Кәримова (Иске Каразирек) беренче урынны алды, икенчедә - К. Гарифуллина (Яңа Каразирек), өченче урынга Ютазы авылыннан Е. Семенов лаек булды. Тамашачылар симпатиясе призын Ютазы авылыннан баянчылар триосы яулады.