Кече Урыссу мәктәбендә биология атналыгы узган

Барлык сыйныфларда да белем алучы балалар кошларга багышланган рәсем бәйгесендә, "Могҗизалар кыры" уенында, үсемлекләр һәм хайваннар турындагы викторинада бик теләп катнашкан. Үзләре иҗат иткән шигырьләре белән укучылар бәйгедә чыгыш ясаган. Сәламәт яшәү рәвеше алып баруга багышланган презентацияләрдән яшь буын үзенә шактый кызыклы мәгълүмат туплаган. Биология атналыгы барышында балаларда табигатькә сакчыл караш тәрбияләүне максат итеп куйдык, дип белдерде биология һәм география укытучысы Зилия Габидуллина.