Урыссуның 2 санлы балалар бакчасында Муса Җәлилнең тууына 110 елга багышланган кичә узган

Бәйрәмдә балалар М.Җәлилнең тормыш юлы белән таныштылар, аның шигырьләрен сөйләделәр. Музыка җитәкчесе Гәрәева Резеда Равил кызы ярдәмендә әзерләнгән, М.Җәлил сүзләренә язылган җырларын тыңладылар, башкардылар. Тормыш юлын чагылдырган, әсәрләренә карата ясалган иллюстрацияләр белән тулыландырылган, презентация карадылар. Бәйрәм ахырында шагыйрьнең әсәрләре буенча ясалган рәсемнәр конкурсы узды, җиңүчеләр билгеләнде.

Бәйрәм балалар күңелендә якты эз калдырып, аларның татар шагыйрьләренә булган белемнәрен тагын да арттырып, күңелле генә үтеп китте.

Татар теленә өйрәтү буенча тәрбияче Солтанова Ләйсән Рөстәм кызы.