Киләсе елларга эш планнары

Утырышта ТР президентының территорияләр белән эшләү буенча Идарәсе киңәшчесе Ленар Хәкимҗанов, район советы депутатлары, район оешмалары һәм предприятиеләре җитәкчеләре, җирлекләр башлыклары һәм массакүләм мәгълүмат чаралары вәкилләре катнашты.

Көн тәртибендә район тормышын тәэмин итүнең һәм аны үстерүнең ун соравы каралды. Алар исәбендә контроль-исәп палатасы, милек һәм җир мөнәсәбәтләре палатасы эше, 2013-2015 елларда "Урыссу җылылык челтәрләре" ҖЧҖ һәм 2014-2016 елларда "Теплосервис"МУП производство куәтләрен үстерү инвестицион программалары, "2011-2013 елларга агросәнәгать комплексын үстерү" программасын тормышка ашыру барышы, кадрлар мәсьәләләре, энергия саклау планнары һәм Ютазы район советы эшчәнлегенең 2013 елга перспектив планы сораулары бар.