Күмәк тыңлаулар узды

Киңәшмәне район башлыгы урынбасары Р. Хәкимова алып барды. Тыңлауларга авыл җирлекләре башлыклары, депутатлар, бүлек начальниклары һәм мәгълүмат чаралары чакырылган иде. Район уставының проектын кабул итү буенча Ютазы районының юристы Әделгәрәев Радик Зиннур улы чыгыш ясады. Ул Устав проектына кертелгән үзгәрешләр белән таныштырды, проект буенча туган сорауларга җаваплар бирде. Р. Хәкимова килеп туган вәзгыятькә үзеннән өстәмәләр кертте. Устав проекты бертавыштан кабул ителде.