Районда исерек хәлдә машина йөртүне дәвам итәләр

Уздырылган тикшерүләр барышында, алты йөртүче исерек хәлдә тоткарланган. Биш кеше транспорт чарасы белән моңа хокукы булмаган килеш идарә иткән, аларның икесе скутерда хәрәкәтләнгән. Дүрт йөртүче Урыссу бистәсендә көйләнүче тимер юл аркылы чыгу урыны аша үтү кагыйдәсен бозган. Алты йөртүчегә балаларны беркеткеч җайланмалардан башка йөрткән өчен штраф салынган. Җиде автобус йөртүче шулай ук юл хәрәкәте кагыйдәләрен бозган. Бер гражданин вакытында штраф түләмәгәнгә җавапка тартылган.